الفصل السادس "6" من رواية فتاة فى زمن قاسي بقلم دودو محمد
- للدخول إلى فهرس الرواية كاملة، حيث يوجد به جميع الحلقات أضغط هنا
 |
| فتاة فى زمن قاسي بقلم دودو محمد |
الفصل السادس من رواية فتاة فى زمن قاسي بقلم دودو محمد
ملحوظة للوصل إلى جميع فصول الرواية أكتب في جوجل (فتاة فى زمن قاسي مدونة دليل أو "deliil.com")وصلت سمر الشقه ودخلت دورت على علياء ملاقتهاش استغربت وقعدت تنادى عليها ومحدش رد فتحت بصت فى الاوضه بتاعتهم ملاقتش حد بصت حاوليها بقلق وقالت
سمر :- ايه اللى حصل فى الشقه ده والباب مكسور ليه والحاجه واقعه على الأرض كده ليه وفين علياء دخلت مياده وشافت المنظر وسمر واقفه بتكلم نفسها قالت««««««««««««««««««««««««««««««
مياده :- فيه ايه يا سمر واقفه بتكلمى نفسك كده ليه وفين علياء
سمر :- معرفش انا جيت لاقيت الباب مكسور والشقه زى ما انتى شايفه وعلياء مش موجوده
مياده :- بقلق علياء هتكون راحت فين بس
سمر :- تعالى نسأل خالتى ام مريم
مياده :- وخالتى ام مريم هتعرف منين بس
سمر :- معرفش تعالى نسألها وخلاص
مياده :- ماشي ونزلوا الاتنين رنوا الجرس واستنوا الباب يتفتح
حكمت :- فتحت الباب وقالت تعالوا يا بنات ادخلوا
مياده :- معلش يا خالتى بس كنا جاين نسأل على علياء
حكمت :- علياء ايه هيجيبها عندنا بس يا بنتى
سمر :- اصل رجعنا لاقينا الباب مكسور والشقه متبهدله وهى مش فيها قلقنا عليها
حكمت :- الباب مكسور انا كده قلقت عليها استنوا لما انادى مهند يشوف ايه اللى حصل ودخلت الاوضه لاقت مراد قالت مراد انت جيت امته
مراد :- مسح دموعه بسرعه وقال م.م.من شويه يا امى
حكمت :- مال وشك اصفر كده يا حبيبى شكلك تعبان لسه
مراد :- ا.ا.انا كويس متقلقيش يا امى
حكمت :-طيب يا ولاد تعالوا معايا نشوف علياء فين
مهند :- بص لمراد وقال ليه يا اما هى مش فوق
حكمت :- اخواتها البنات بيقولوا رجعوا لاقوا الباب مكسور والشقه كلها متبهدله وقلقانين عليها
مهند :- قوم يا مراد نشوف الموضوع ده
مراد :- بوجع وكسره قال ح.ح.حاضر وقام وقف وخرج مع مهند راح عند مياده وسمر
مهند :- ايه اللى حصل
مياده :- علياء مش موجوده فوق والباب مكسور
مهند :- طيب مين هيكسر الباب وبص لمراد
سمر :- منعرفش يعنى احنا لو نعرف هنيجى نسألكم ليه
مهند :- ما تتكلمى عدل يا بت انتى احنا بنسأل يمكن هى اللى كسرته
سمر :- انت متخلف ازاى هى هتكسره وهى جوه مش عارف حاجه تبقى اسكت متعملش فيها ابو العريف
مهند :- بقرف لسانك ده عايز قطعه
سمر :- بقرف مياده يلا نطلع انا غلطانه أن قولتلك ننزل نسأل خالتى ام مريم
حكمت :- يا بنتى اصبرى شويه مهند قلقان على علياء وبيسأل علشان يعرف ايه اللى حصل
مياده :- اسكتى شويه يا سمر بقى وبصت لمهند وقالت يا استاذ مهند المشكله مش فى أن علياء مش فوق ما هى ممكن تكون نزلت تشترى حاجه عادى بس اللى يقلق أن الباب مكسور والشقه كلها متبهدله كأن فيه حد هاجم عليها
مراد :- غمض عينه بوجع وحاول يمسك دموعه
مهند :- بص على اخوه مراد ورجع بص لمياده وقال طيب ممكن نطلع نشوف
سمر :- بزهق هيعمل فيها وكيل نيابه
مياده :- ضربتها بالكوع وقالت يا بنتى اسكتى بقى وبصت لمهند وقالت اه طبعآ تعالوا
مهند :- بص لسمر بقرف وبعدين قال يلا مراد
مراد :- واقف مكانه ومش بيتحرك
مهند :- شده من دراعه وقال امشى يلا
وطلعوا الاربعه فوق فى الشقه واول ما مراد شاف منظر الشقه قلبه وجعه ودخل مكان ما فاق وميل على الأرض لاقه نقطة دم من شرف علياء مد أيده مسحها من على الأرض وبص على أيده وهز راسه يمين وشمال ودموعه نزلت منه وطلع يجرى من الشقه ونزل
سمر :- بأستغراب ده ماله ده
مهند :- احم تلاقيه نزل يدور عليها فى الشارع وبص على الباب وقال فعلا الباب مكسور
سمر :- والله وعرفتها لوحدك يا حضرت المفتش كرومبو ما احنا قايلين تحت أن الباب مكسور
مهند :- بغيظ تعرفى تحطى لسانك فى بؤقك شويه
سمر :- انت جاى تكتمنا كمان خلص وانزل دور مع اخوك فى الشارع بدل ما انت عامل شبه خيال المأته كده
مياده :- يا بنتى اخرسى بقى
مهند :- انا مش هرد على بنى ادمه تافهه زيك علشان لو رديت عليكى هخلى وشك شوارع
مياده :- بطلوا خناق دلوقتى المهم نعرف ايه حصل لعلياء
مهند :- انا هنزل أسأل فى الحاره تحت يمكن حد شافها وهى نازله
سمر :- بقرف اخيرآ هتعمل حاجه مفيده
مهند :- داس على أسنانه وبص لسمر بغيظ ونزل الحاره وسأل جرجس وقال عم جرجس مشوفتش علياء
جرجس :- لاء يا ابنى والله ليه خير
مهند :- مفيش بسأل عليها بس ومشى راح عند جابر وقال عم جابر مشوفتش علياء
جابر :- فيه عربيه مش شويه عدت من قصاد المحل وفيها راجل وكانت هى قاعده جنبه
مهند :- بأستغراب عربيه ملاكى
جابر :- ايوه يا ابنى
مهند :- ماشى يا عمى جابر ومشى ولسه هيدخل البيت
سيد :- مهند يا زميلى
مهند. :- وقف وقال ايوه يا سيد
سيد :- مالك النهارده مختفى ليه شكلك عملتها يا خلبوص
مهند :- عملتها ايه الله يخربيتك بسببك الدنيا خربت
سيد :- ايه معرفتش ولا ايه
مهند :- يخربيت صحوبيتك الزفت دى وسابه وطلع على فوق
سيد :- بقى كده يا مهند بعد ما عملت اللى انت عايزه مع البت وبفضلى بتتكبر عليا مسيرك هترجع ليا علشان كيفك ومشى تانى
مهند :- طلع عندهم فوق على السطح وقال عم جابر بيقول أن هو شافها راكبه مع واحد فى عربيه ملاكى
مياده :- عربيه ملاكى ده مين ده
مهند :- معرفش
سمر :- بتريقه جبت الديب من ديله يا خويا ولما عرفنا أنها راكبه عربيه ملاكى ايه اللى حصل وصلنا ليها كده
مهند :- بت انتى متتكلميش معايا خالص فاهمه
سمر :- يا شيخ روح يعنى هموت واتكلم مع اشكالك وشوحت ليه بأيديها ودخلت الاوضه بتاعتهم
سمر :- انا اسفه يا استاذ مهند سمر مندفعه شويه فى الكلام
مهند:- دى مش مندفعه فى الكلام دى لسانها بينقط مزيوت
سمر :- شكرآ على تعبك معانا يا استاذ مهند
مهند :- العفو انا معملتش حاجه عن اذنك ونزل تحت الشقه عندهم
حكمت :- عملتوا ايه يا ابنى
مهند :- عم جابر بيقول أنه هو شافها راكبه عربيه ملاكى مع واحد
حكمت :- يمكن شغل ولا حاجه وده صاحب الشغل
مهند :- معرفش مراد فين
حكمت :- فى اوضه مش عارفه ماله
مهند :- ها ا.ا الصداع بس اللى عامل فيه كده انا هدخله وساب امه ودخل لاقه مراد نايم على السرير وضع الجنين وبيعيط دخل قعد جنبه على السرير وقال اهدا يا مراد
مراد :- بدموع انا مجرم يا مهند مجرم ا.ا انا دبحت الانسانه اللى بحبها بأيدى ازاى اعمل كده ازاااااى
مهند :- بحزن عارف انها صعبه عليك بس كل شئ هيتصلح
مراد :- بدموع اللى حصل ده صعب يتصلح يا مهند عمرها ما هتسامحنى على اللى حصل ده
مهند :- اهم شئ انك تتجوزها وتصلح الغلطه دى وبعد كده ابقى خليها تسامحك بطريقتك
مراد :- قعد ومسح دموعه وقال هى جات
مهند:- لسه عم جابر بيقول أنه شافها راكبه عربيه ملاكى مع واحد
مراد :- عربيه ملاكى بتاعة مين دى
مهند :- معرفش بس يمكن زى ما امك قالت إنه صاحب شغل ولا حاجه قوم كده اغسل وشك وتعال نكلم ابوك وامك علشان لما ترجع علياء يطلعوا يطلبوها
مراد :- بصله بوجع وكسره وقام دخل الحمام وشويه وخرج مع مهند
مهند :- أبويه فين يا اما
حكمت :- لسه تحت فى المحل
مهند :- طيب بقولك ايه
حكمت :- قول
مهند :- مراد عايز يتجوز علياء
حكمت :- بفرحه بجد يا زين ما اخترت يا ابنى البت مؤدبه ومحترمه وانا اللى مربياها وبنت بمليون راجل
مراد :- ضحك ليها بوجع وقال على الله هى توافق بس
حكمت :- وهترفضك ليه بس يا ابنى
مراد :- بوجع محدش لسه عارف النصيب فين
مهند :- بص بغيظ لمراد وبعدين قال لامه سيبك منه دول شويتين عاملهم ده بيموت فيها ومصدعنى بكلامه عليها اول ما يطلع أبويه قوليلوا بقى يا اما عايزين نلم الموضوع فى اسرع وقت
حكمت :- نلم الموضوع مالك يا ابنى بتتكلم كأنهم حصل حاجه ما بينهم
مهند :- ها ل.ل لا طبعآ انا اقصد يعنى يتجوزوا بسرعه علشان ارتاح من زن ابنك وكلامه الكتير عنها
حكمت :- خلاص اول ما يطلع ابوك هكلمه وهو هيفرح اوى البت غلبانه وتستاهل كل خير
مهند :- اتنهد براحه وبص لمراد وابتسم ليه
مراد :- اتنهد بوجع وقال عن اذنكم هنزل اتمشى شويه
مهند :- اصبر اجى معاك
مراد :- لاء انا عايز ابقى لوحدى وسابهم ومشى
مهند :- بص عليه وهو ماشى بوجع وتأنيب ضمير ودخل اوضه
فى المستشفى
وصل الظابط واخد اقوالهم هما الاتنين ومشى ودخل عمر الاوضه عند علياء وقال
عمر :- عامله ايه دلوقتى
علياء :- بدموع كويسه
عمر :- الدكتور قال ممكن تخرجى وتروحى بيتك
علياء :- حتى لو الدكتور مقالش كده كنت همشى برضه
عمر :- طيب تعالى اوصلك
علياء :- لاء شكرآ اتفضل حضرتك امشى
عمر :- طيب هتمشى ازاى بمنظرك ده انتى مش واخده بالك أن الهدوم متقطعه عليكى
علياء :- بدموع هلف نفسى بالملايه دى
عمر :- ازاى بس الناس هتضحك عليكى
علياء :- بوجع وايه الجديد ما من زمان اوى والناس علطول بتضحك عليا
عمر :- خدى طيب ومد أيده بشنطه
علياء :- بصت على أيده وقالت ايه دى
عمر :- جبت ليكى هدوم تلبسيها علشان مينفعش تمشى كده
علياء :- لاء شكرآ متعودش اخد حاجه من حد معرفهوش
عمر :- يا ستى خديهم ولما يبقى معاكى حقهم ابقى ادفعيهم ليا
علياء :- ضحكت بوجع وقالت وهيبقى معايا حقهم منين يا استاذ عمر انا لو معايا حقهم هروح اجيب بيهم حاجه لاخواتى مش ليا
عمر :- غمض عينه بوجع وحط الشنطه على السرير وقال الهدوم عندك اهى وبراحتك بقى وخرج وسابها
علياء :- بصت على عمر وهو خارج من الاوضه وبعدين بصت على الشنطه اللى على السرير جنبها ومدت ايديها ببطئ شديد ومسكت الشنطه وفتحتها وخرجت اللى فيها لاقته فستان شيك جدآ ورقيق اتنهدت وقامت بصعوبه من على السرير ودخلت الحمام وبصت على نفسها فى المرايا وضحكت بألم وكسره وقالت ايه هيحصلك تانى يا علياء من الزمن القاسي ده اخر حاجه حلوه فى حياتك كنتى محافظه عليها راحت خلاص واتحرمتى من أبسط حقوقك ک بنت مبقاش فيه حاجه حلوه تانى فى حياتك عايشه ليه تانى مفيش احسن من نومه تحت التراب تريحك من كل ألامك دى وغمضت عينيها واتنهدت بوجع ولبست الفستان الجديد وخرجت من الحمام بصت على رجليها ملاقتش حاجه تلبسها ابتسمت بوجع وقالت حتى يوم ما لاقيت حاجه حلوه ألبسها على جسمى فضلت حافيه وفتحت الباب وخرجت لاقت عمر لسه واقف بصت ليه بأستغراب وقالت انت لسه هنا
عمر :- بص عليها بأعجاب وقال الفستان تحفه عليكى وبعدين بص على رجليها لاقها حافيه قال ايه ده ده انا نسيت اجيب ليكى حاجه تلبسيها فى رجلك
علياء :- مش هتفرق بس حضرتك مردتش عليا انت ليه لسه هنا
عمر :- مستنيكى اوصلك مكان ما انتى رايحه
علياء :- قولت لحضرتك مليون مره متشغلش بالك بيا اتفضل امشى علشان انا مش هركب عربيات مع حد
عمر :- طيب هتمشى حافيه كده ازاى بس
علياء :- يا عم امشى زى ما امشى انت مالك بس اتفضل لو سمحت بقى سبنى فى حالى
عمر :- اتنهد وقال اللى يريحك وخرج ركب عربيته ومشى
علياء :- بصت عليه بدموع ومشيت خرجت من المستشفى وهى حافيه ومكانش معاها حتى فلوس تركب اى مواصله مشيت فى الشارع وكل شويه تدخل فى رجليها حاجات من الأرض وتقف بألم شويه وترجع تمشى تانى لحد ما وصلت عند مقابر امها وأبوها دخلت عن قبر ابوها وامها وقعدت فى الارض وقالت شوفتوا اللى حصل ليا انا النهارده اندبحت يا بابا النهارده بنتك خسرت اهم حاجه عندها خسرت شرفها الدنيا وحشه اوى يا ماما انا نفسى تخدونى عندكم بدل العذاب اللى انا عايشه فيه ده انا فى دوامه ومش عارفه اعمل ايه ارجع لاخواتى بعارى والناس تعيرهم بيا ولا ابعد بعيد واسيبهم عايشين وسط الناس ورافعين راسهم بس هيعيشوا ازاى مين هيصرف عليهم مين هياخد باله منهم وبالذات سمر اعمل ايه قولوا ليا ابعد ولا ارجع انا تعبت بقى والله العظيم مبقتش قادره استحمل ضربات اكتر من كده الضربه الاخيره كسرتنى وكسرت شوية العزيمه اللى كانوا متبقين عندى وحطت راسها على القبر وقعدت تعيط وشويه وحست بأيد على كتفها رفعت راسها لفوق وقالت انت ...........
««««««««««««««««««««««««««««««
فى الحاره
وصل عبدالرحمن الشقه لاقه اخواته البنات قاعدين ودموعهم على خدهم دخل قعد جنبهم وقال بأستغراب«««««««««««««««««««««««««««««
عبدالرحمن :- ايه ده فيه ايه مالكم بتعيطوا ليه وبص حاوليه وقال وفين علياء
مياده :- بدموع منعرفش علياء فين احنا رجعنا لاقينا الباب مكسور والشقه متبهدله بالمنظر ده واختك مش فيها
عبدالرحمن :- ازاى يعنى اختك مش فيها هتكون راحت فين
سمر :- واحنا هنعرف منين بس
عبدالرحمن :- ما يمكن بتعمل حاجه فى الشقه عند عم عبده
مياده :- لاء سألنا عليها قالت محدش شافها ونزل مهند سأل عليها فى الشارع وقالوا ليه أنها كانت راكبه عربيه مع واحد
عبدالرحمن :- مين ده
مياده :- منعرفش
عبدالرحمن :- طيب ليكون الراجل ده خطفها هى كانت فايقه معاه فى العربيه طيب
مياده :- معرفش أسأل مهند
عبدالرحمن :- انا نازل اسأله ونزل رن الجرس وفتحت ليه حكمت وقالت
حكمت:- اختك جات يا حبيبى
عبدالرحمن :- لاء لسه يا خالتي فين مهند
حكمت :- جوه عايزه
عبدالرحمن :- ياريت يا خالتي نادى عليه
حكمت :- حاضر يا حبيبى ادخل وانا هروح انادى عليه
عبدالرحمن :- دخل وقفل الباب وفى الوقت ده خرجت مريم من الاوضه وبصت ليه بقرف وقالت
مريم :- انت بتعمل ايه عندنا
عبدالرحمن :- بصلها بقرف ومردش عليها
مريم :- انت يا بارد مش بكلمك انا
عبدالرحمن :- غورى يا بت انتى فى ستين داهيه تشيلك
مهند :- خير يا عبدالرحمن
عبدالرحمن :- انا كنت جاى أسألك على العربيه اللى كانت راكبها علياء كانت فايقه ولا مغمى عليها
مهند :- معرفش اللى شافها عم جابر بس بتسأل ليه
عبدالرحمن :- احسن ما يكون هو اللى كسر الباب كده وخطفها
مهند :- مش عارف طيب تعال نسأل عم جابر تانى
مريم :- بشماته مستغربين ليه يا جماعه ما يمكن واحد من اللى بتمشى معاهم ما هى علطول بتقضيها دى واحده بتخدم فى بيوت كتير واكيد مع كل راجل شويه
عبدالرحمن :- اول ما سمع كده اتعصب وراح عندها ومسكها من دراعها وقال بعصبيه اختى اشرف منك يا زباله
مهند :- بعصبيه خفيفه عبدالرحمن لاحظ أن اخوها واقف
عبدالرحمن :- بعصبيه وانت مسمعتش هى قالت ايه
مهند :- قولى وانا اجبلك حقك بس متغلطش فيها انا هعديها المرادى علشان الظروف اللى انت فيها بس وبص لأخته وقال وانتى حسابك معايا بس لما ارجع وبص ليها بغيظ واخد عبدالرحمن ونزل
حكمت :- بعصبيه انتى ايه يا بت معندكيش دم ازاى تقولى كده للراجل على أخته يا مقصوفة الرقبه انتى
مريم :- محسسنى انها ملاك ونازله من السما وشوحت لامها بأيديها ودخلت اوضتها
حكمت :- ربنا يهديكى لنفسك يا بنتى ويبعد عنك شيطانك اللى مسيطر عليكى طول الوقت ده
نزل مهند وعبد الرحمن وراحوا عند محل جابر
مهند :- عم جابر معلش هصدعك شويه
جابر :- قول يا ابنى ولا يهمك
مهند :- هى علياء كانت فايقه ولا مغمى عليها ساعة ما شوفتها
جابر :- والله يا ابنى العربيه كانت ماشيه بتجرى وملحقتش اشوف اذا كانت فايقه ولا لاء ليه يا ابنى خير فيه حاجه ولا لاء
مهند :- لاء يا عم جابر احنا بنسأل بس وبص لعبد الرحمن ومشوا الاتنين
عبدالرحمن :- هتكون راحت فين بس
مهند:- طيب ما حد فيكم يتصل بيها
عبدالرحمن :- اه صح راحت عن دماغنا فين بس ومسك تليفونه وطلب رقم علياء وانتظر الرد واول ما السكه اتفتحت قال بلهفه انتى فين يا علياء
سمر :- انا سمر يا عبدالرحمن تليفون علياء هنا مش معاها
عبدالرحمن :- بخيبة أمل قال ماشى
سمر :- معرفتش حاجه عنها
عبدالرحمن :- لاء لسه اقفلى دلوقتى وقفل السكه وبص لمهند وقال تليفون علياء فى البيت
مهند:- كمان عمومآ مش فى ايدينا حاجه غير أننا نستنا لحد الصبح ولو مجاتش نبقى نبلغ القسم
عبدالرحمن :- الصبح ومين فين هيقدر يستنا لصبح وفى الوقت ده جه مروان وقال
مروان :- مساء الخير يا جماعه مالكم واقفين كده ليه
مهند :- علياء مختفيه ومش عارفين هى فين
مروان :- مختفيه ازاى
مهند :- دى قصه طويله مش وقتها وتعالوا نطلع فوق بدل ما الناس واقفه تبص علينا وعايزه تعرف فيه ايه
مروان :- ماشى يلا وطلعوا التلاته
«««««««««««««««««««««««««««««
فى اوضت مريم
دخلت مريم وهى متعصبه واتصلت على آدم وانتظرت الرد وبعد وقت طويل رد عليها قالت بعصبيه
مريم :- انت فين كل ده برن عليك ومش بترد ليه
أدم :- بصوت سكران ناااايم يا حبيبتى
مريم :- بأستغراب بس صوتك مش باين عليه انك كنت نايم وبعدين فيه دوشه عندك ازاى نايم
أدم :- يا حبيبتى ده صوت التلفزيون وانا نمت وهو شغال
مريم :- بعدم اقتناع ماشى انت فاضى شويه
أدم :- ها ل.ل ليه
مريم :- هو ايه ليه عايز اتكلم معاك شويه مخنوقه وانت علطول مش فاضى ليا فين ايام ما كنت بتقعد تتكلم معايا بالساعات
أدم :- نفخ ورفع عينه لفوق بزهق وقال حبيبتى انا لازم اقفل عمر بينادى عليا يلا سلام
مريم :- طيب استنا ه.ه وبصت على التليفون لاقت السكه اتقفلت قالت بغيظ ماشى يا آدم لما اشوف اخرتها معاك وحدفت التليفون جنبها بغيظ وقعدت تهز فى رجليها
عند ادم
كان قاعد فى ملهى ليلى مع اصحابه وقفل السكه مع مريم ونفخ وقال
أدم :- بنى ادمه خنيقه
ملك :- طيب ما تسيبها
أدم :- مش قبل ما اخد منها اللى انا عايزه
ملك :- وانت ايه مصبرك لحد دلوقتى
أدم :- مش عارف ادخلها من اى سكه قولت يمكن لما اخطبها يسهل عليا المهمه برضه رافضه
ملك :- طيب واللى تساعدك فى المهمه دى تعمل معاها ايه
أدم :- اقطعها بوس
ملك :- لاء البوس ده خليه لأصحابه إنما أنا عايزاك تكسر البت اللى اسمها سمر دى
أدم :- لاء دى سهله من تانى مقابله وهى ساحت على نفسها ووقعت فيا
ملك :- سمر تحب؟ مستحيل! سمر بتحب الفلوس اكتر حاجه فى الدنيا واول ما عرفت انت مين وهى حبت فلوسك بس مش مهم المهم انك تكسرها
أدم :- كلها كام يوم وهجبلك احلى خبر بس قوليلى انتى ليه عايزه تعملى فيها كده
سمر :- بغيظ عايز اكسر مناخيرها اللى هى رفعها لفوق دى وبعدين انا بحب هيثم وهى بتحاول تخدوا منى وانا متعودش حد ياخد حاجه انا عايزاها
أدم :- هيثم ده اللى دخل وكان عايز يضربنى
ملك :- لاء التانى اللى كان عايز يضربك ده شادى
أدم :- بس اللى اسمه شادى ده هو اللى بيحبها إنما هيثم التانى ده ولا فى دماغه بدليل أن اللى اتغاظ واتحمق اوى عليها شادى مش هيثم
ملك :- شادى بيحب سمر
أدم :- ايوه وبما ان انا خبره فى العلاقات دى بقولك أن سمر مش فى بال صحبك هيثم ده خااااالص
ملك :- بفرحه يس بس برضه لازم تكسرها علشان هى بتلعب عليه علشان فلوسه
أدم :- من عينيا يا قمر هى الصراحه البت طلقه وهتمتع معاها اوى
ملك :- ادعيلى بقى
أدم :- استنى هنا انتى مقولتيش هتساعدينى ازاى فى موضوع مريم
ملك :- سهله تليفون صغير اوى ليها الصبح وهى فى الجامعه انك عملت حادثه والناس اخدوك البيت وانت عايز تشوفها علشان تودعها وهى تجيلك وتودع عذريتها وضحكتك
أدم :- ايوه بقى اموت فى الدماغ الشيطانية دى حلاوتك فى الشر يا لوكه الصبح بقى متنسيش
ملك :- بتمثيل هتوحشنى يا دومى اهئ اهئ اهئ وبعد كده قعدت تضحك
اسر :- انتو قاعدين كده ليه ما تقومه ترقصوا معانا
أدم :- مد أيده لملك وقال تعالى نرقص
ملك :- قامت معاه وقعدوا يرقصوا لصبح
«««««««««««««««««««««««««««««
فى فيلا هيثم
كان هيثم قاعد فى اوضه مع شادي وقال««««««««««««««««««««««««««««««
هيثم :- مش عارف تتحكم فى اعصابك اكتر من كده
شادي :- معرفش بقى اول ما شوفت الزفت ده مقرب منها الدم فار فى دماغى ومعرفتش اتحكم فى اعصابى كفايه عليا مستحمل فكرة أنها بتحبك
هيثم :- سمر مش بتحبنى يا شادي انت عارف وانا عارف ان سمر بتحب الفلوس وهى بتعمل معايا كده علشان فلوسى وانا بصدها على قد ما اقدر وبعدين انا مش بفكر فيها خالص انت عارف انا مين اللى خاطفه قلبى من زمان
شادي :- عارف حاولت كتير ألفت انتباها ليا وبرضه مش بتبص ليا اعمل ايه تانى
هيثم :- والله يا صاحبى انا شايف ان سمر متنفعكش سمر بتبص لفوق اوى وانت محتاج واحده تحبك بجد من قلبها مش تحب شوية ورق
شادى :- ياريت كان الاختيار بأيدى يا هيثم
هيثم :- عارف يا صاحبى
شادي :- هحاول بكره اصالحها
هيثم :- بلاش بكره اصبر شويه عليها علشان انت عارف ان لسانها طويل ممكن تغلط فيك قصاد الجامعه كلها
شادى :- اتنهد وقال ماشي ووقف
هيثم :- رايح فين
شادي :- مروح يلا سلام وروح على بيته
هيثم :- نام على سريره وقال عقبال ما تفهمى ياللى فى بالى وتحسي بيا بقى وغمض عينه ونام
فى شقة علياء
كانت نايمه سمر على السرير وبتتكلم فى التليفون مع انجي وقالت
سمر :- هنموت ونعرف هى فين يا انجي
انجي :- أن شاءالله شويه وهتلاقوها راجعه
سمر :- يارب يا انجي
انجي :- سمر انا كنت عايزه اقولك على حاجه انا عارفه انه مش وقته بس مش قادره اصبر اكتر من كده
سمر :- فيه ايه قولى
انجي :- هيثم
سمر :- ماله
انجي :- اليومين دول طريقة كلامه معايا غريبه وبيلمح بكلام غريب كده
سمر :- يعنى ايه مش فاهمه
انجي :- احم يعنى ب.ب.بيحاول يوصلى أنه معجب بيا
سمر :- نععععععععم معجب بيكى انتى على ايه يا اختى على جسمك المليان
انجي :- بصدمه ايه
سمر :- احم مقصدش بس قصدى أقول إن هيثم بيحب البنات الرفيعه وانتى الصراحه مش استايله خالص
انجي :- بوجع علشان تخينه شويه ابقى مش استايله انتى شيفانى وحشه اوى كده يا سمر تصدقى اول مره اخد بالى انتى شيفانى ازاى عمومآ يا ستى انا واقعيه وعمرى ما حلمت بحاجه مش بتاعتى وعارفه أن واحد زى هيثم مستحيل انا أعجبه بس احساس عبيط جالى وانتى فوقتينى شكرآ يا سمر
سمر :- انجى متزعليش مقصدش اجرحك والله بس انا خايفه عليكى من الصدمه وكان لازم افوقك
انجي :- لاء عادى انا اخد اكون كده علشان ربنا خلق جسمى مليان شويه يبقى مش من حقى احب واتحب كل الشباب تبص ليا على أساس ان انا اختهم وعمرى ما طمعت فى اكتر من كده لان اى شاب دايمآ بيدور على المظهر عايز جسم رفيع وتكون حلوه لابسه بنطلون على جسمها مظبوط بس عمره ما هيدور على واحده تخينه جسمها مليان اى لبس تلبسه تبقى عامله زى الشوال مع أن والله العظيم بنبقى احنا اطيب قلب الجوهر بتاعنا نادر مظهرنا مش حلو بس من جوانا جميل جدآ جسمنا مليان وتقيل بس روحنا خفيفه اوى والله
سمر :- مش محتاجه تقوليلى الكلام ده يا انجي انا عارفه انك حد جميله اوى وطيبه من جواها وبكره يجى اللى يقدر ده ويحبك زى ما انتى إنما هيثم صعب يحبك
انجي :- شكرآ على المجامله تصبحى على خير
سمر :- وانتى من اهله وقفلت السكه وقالت قال هيثم يحبها قال وغمضت عينيها ونامت
انجى :- حدفت التليفون جنبها وقعدت تعيط
- قراءة الفصل السابع من رواية فتاة فى زمن قاسي أضغط هنا