فتاة فى زمن قاسي لدودو محمد - الفصل الخامس "5"

الصفحة الرئيسية
الفصل الخامس "5" من رواية فتاة فى زمن قاسي بقلم الكاتبة المتميزة "دودو محمد" 
  • للدخول إلى فهرس الرواية كاملة، حيث يوجد به جميع الحلقات أضغط هنا
رواية فتاة فى زمن قاسي بقلم دودو محمد
فتاة فى زمن قاسي بقلم دودو محمد

الفصل الخامس من رواية فتاة فى زمن قاسي

ملحوظة للوصل إلى جميع فصول الرواية أكتب في جوجل (فتاة فى زمن قاسي مدونة دليل أو "deliil.com")
اشرقت شمس صباح يوم جديد بنورها الساطع فى سماء القاهره ليبدء مراد بفتح عيونه قام قعد على السرير ومسك دماغه بألم شديد وقال

مراد :- ايه الصداع ده ياربى وقام بصعوبه دخل الحمام واتوضه وخرج غير هدومه واده فرضه وخرج من اوضه وراح المطبخ لاقه أمه قال صباح الخير يا امى
حكمت :- صباح الخير يا ابنى
مراد :- مسك دماغه بألم شديد
حكمت :- مالك يا حبيبى
مراد :- صداع جامد اوى يا امى
حكمت :- من ايه طيب يا حبيبى تروح الدكتور
مراد :- لاء يا ماما مش مستاهله ممكن علشان نومى مش مظبوط اليومين دول هاخد حباية صداع دلوقتى وهبقى كويس
حكمت :- طيب اقعد يا حبيبى افطر وانا هدخل اجبلك حباية صداع من اوضك
مراد :- بابا نايم لسه
حكمت:- لسه نايم من شويه طول الليل منمش وبيفكر فى اللى اختك عملته وما صدقت أنه نام شويه مرضتش اصحيه
مراد :- صح يا ماما سبيه ينام براحته
حكمت :- اقعد يا حبيبى افطر
مراد :- طيب اقعدى افطرى معايا
حكمت :- مليش نفس يا حبيبى ولسه اخده الانسولين مينفعش اكل دلوقتى
مراد :- ربنا يجعله ليكى بالشفا يارب يا حبيبتى
حكمت :- هروح اجبلك الحبايه وطبطبت على كتفه وراحت الاوضه بتاعته
مراد :- قعد على الترابيزه يفطر وأمه جابت ليه الحبايه اخدها منها وكمل فطاره
«««««««««««««««««««««««««««
عند مياده

كانت نازله من على السلم وكان مروان هو كمان نازل رايح شغله وشاف مياده وقال

مروان :- صباح الخير يا انسه مياده
مياده :- صباح النور يا استاذ مروان
مروان :- الانسه علياء عامله ايه دلوقتى
مياده :- تمام الحمدالله احسن دلوقتى
مروان :- معرفتوش حاجه عن الموضوع ومين عمل كده
مياده :- بكدب لاء لسه عن اذنك ولسه هتمشى
مروان :- انسه مياده
مياده :- بصت ليه وقالت نعم
مروان :- ك.ك.كنت عايز اقابلك النهارده بعد الشغل
مياده :- بعدم فهم تقابلنى ليه أن شاءالله
مروان :- احم ك.ك.كنت عايز اكلمك فى موضوع
مياده :- برضه موضوع ايه ده اللى ما بينا
مروان :- حضرتك فهمتينى غلط
مياده :- والله فهمتك غلط طيب فمهمنى حضرتك الصح
مروان :- ا.ا.انا كنت عايز ا.ا اقولك ان انا هنزل استلم شغل من النهارده
مياده :- ربعت ايديها على صدرها وقالت طيب مبروك بس برضه مفهمتش ايه مطلوب منى
مروان :- انسه مياده انتى كده ب.ب.بتصعبى عليا الكلام
مياده :- واضح كده أن حضرتك مش عارف تقول ايه اصلا عن اذنك ولسه هتمشى
مروان :- مسك دراعها وقال مياده انا بحبك
مياده :- بصت ليه بصدمه واتوترت
مروان :- انا بحبك من زمان وحاولت كتير اقولك بس كنت كل مره اتوتر فيها ومقدرش اقول ليكى حقيقة مشاعرى مياده انا الحمدالله لاقيت وظيفه وهستلمها من النهارده وبتمنى انك تبقى مراتى وام عيالى
مياده:- م.م.ممكن تسيب دراعى
مروان :- ساب دراعها وقال ا.ا اسف
مياده :- احم ا.ا.انت فجأتنى بالكلام د.د.ده
مروان :- خدى وقتك وفكرى وهستناكى تقولى رأيك
مياده :- بس احنا ماشين النهارده
مروان :- بصدمه ماشين ريحين فين
مياده :- لسه معرفش
مروان :- طيب ليه هتمشوا
مياده :- لاء دى قصه طويله وانا لازم امشى علشان اتأخرت على شغلى
مروان :- طيب خلينى اوصلك
مياده :- مينفعش يا استاذ مروان عن اذنك وسابته ومشيت
مروان :- اتنهد ونزل وراها وركبوا الاتوبيس وكل واحد فيهم راح على شغله
«««««««««««««««««««««««««««««
فى شقة علياء

اخواتها نزلوا الجامعه والشغل وهى دخلت تحضر كل حاجه علشان يمشوا اول ما يرجعوا وفى الوقت ده الباب خبط قالت

علياء :- نسيتى ايه تانى يا مياده بس وراحت فتحت الباب وقالت استاذ مراد خ.خ.خير
مراد :- احم انا اسف أن انا خبط عليكى بس كنت عايز اكلمك فى موضوع مهم
علياء :- لو جاي تكلمنى على موضوع مريم ولا أن انا اقعد هنا وممشيش فأنا اسفه يا استاذ مراد احنا خلاص حضرنا الحاجه وهنمشى اخر النهار
مراد :- غمض عينه وقال خ.خ.خليكى علشان خاطرى
علياء :- نعم
مراد :- وشه كله عرق واصفر وجسمه حرارته زادت
علياء :- شافت حالته كده قالت استاذ مراد انت كويس وشك اصفر اوى
مراد :- غمض عينه وقال م.م.ممكن شوية ميه لو سمحتى
علياء :- ح.ح.حاضر ودخلت تجيب ليه شوية ميه واتفاجئت بمراد واقف وراها اتصدمت وقالت استاذ مراد انت بتعمل ايه هنا
مراد :- قرب منها جدآ وقال علياء انا بعشقك ومش قادر استحمل بعدك عنى اكتر من كده
علياء :- بصدمه زقته وقالت استاذ مراد ايه اللى انت بتعمله ده اطلع بره لو سمحت
مراد :- شدها فى حضنه وقعد يبوس فى وشها ويقول انا بحبك يا علياء بحبك
علياء :- وهى بتزق فيه وبتحاول تبعده عنها قالت بدموع ابعد عنى يا حيوان يا زباله يا واطى ابعد عنى بقولك بدل ما اصرخ وألم عليك الناس ولسه هتصرخ
مراد :- كتم نفسها وشدها وقعها فى الارض وقعد يبوس فى رقابتها وشد الهدوم من عليها قطعها
علياء :- بقت تصرخ وتتوسل ليه أنه يسيبها وتقول ابوس ايدك بلاش حرام عليك ابعد عنى متلمسنيش ابوس ايدك ارحمنى وبلاش تعمل فيا كده يااااااارب
مراد :- مكانش سامع ولا كلمه من علياء ولا شايف توسلها ليه وقرب منها اكتر وسلب منها اغلى ما تملك
علياء :- أغمى عليها ومحستش بأى حاجه تانيه
مراد :- نام جنبها على الأرض ومحسش بأى حاجه
«««««««««««««««««««««««««««««
عند مريم

صحيت من نومها وجهزت نفسها ومشيت من غير ولا كلمه راحت على الجامعه واتصلت على آدم وقالت

مريم :- انت فين
أدم :- ها ش.ش.شويه ورايح الجامعه وانتى فين
مريم :- انا فى الجامعه يا آدم بس انت شكلك مش فى البيت
أدم :- ها ا..ا اه انا مع اخويه عمر فى الشركه
مريم :- والله وبتعمل ايه بقى أن شاءالله مع اخوك
أدم :- مش تحقيق هو يا مريم شويه وجاى الجامعه سلام وقفل السكه فى وشها
مريم :- بغيظ كده بتقفل السكه فى وشي ماشى يا آدم ولسه بتلف لاقت عبدالرحمن واقف وراها اتخضت وقالت ا..ا.انت وقف ورايا بتعمل ايه
عبدالرحمن :- قرب منها وداس على أسنانه وقال مبقاش انا عبدالرحمن لو مكنتش اندمك على اللى عملتيه فى اختى ده
مريم :- يا مامى خوفتنى يا ولا انت بتهددنى انا؛ ده انت حشره ادوس عليها برجلى افعصها اعرف مقامك وبلاش تعيش الدور ولسه هتمشى
عبدالرحمن :- الحشره اللى بتقولى عليها دى بكره تبوسى رجليه يا حلوه
مريم :- ضحكت وقالت انا ابوس رجلك شكلك شارب حاجه على الصبح روح العب بعيد يا شاطر وبصت ليه بقرف ومشيت وسابته
عبدالرحمن :- لنفسه بكره هوريكى الشاطر ده هيعمل فيكى ايه
««««««««««««««««««««««««««««
فى كلية العلوم

كانت سمر واقفه مع انجي بتتكلم ولاقت ادم داخل هو وملك ابتسمت وقالت

سمر :- بت يا انجي المز بتاع امبارح اهو جاى تانى مع ملك
انجي :- سمر انا مش مرتاحه للبنى ادم ده من امته فيه حاجه عدله بتيجى من وراه ملك
سمر :- يا بنتى هو انتى علطول كده مش مرتاحه لناس
انجي :- ايوه يا سمر مش مرتاحه ملك مش سهله وممكن تكون بتعمل لعبه عليكى هى وابن خالتها ده ده لو كان ابن خالتها بجد
سمر :- ليه بقى أن شاءالله
انجي :- علشان هيثم
سمر :- طيب بس بس علشان جاين علينا
انجي :- دماغك هتوديكى فى داهيه يا سمر انا متزفته وماشيه ومشيت وسابتها
سمر :- احسن برضه وشوحت بأيديها
ملك :- صباح الفل يا سموره
سمر :- صباح الورد يا ملوكه
أدم :- صباح العسل على الحلوين
سمر :- بأبتسامه صباح الفل
ملك :- انجي راحت فين كده
سمر :- ها راحت تجيب حاجه من الكافتيريا ما انتى عارفه انجى همها على بطنها
ملك :- اوك طيب هروح اجيب حاجه انا كمان وغمزت لادم ومشيت
أدم :- وانتى مش عايزه تاكلى
سمر :- لاء بس غريبه النهارده جاى مع ملك فى عربيتها هى يعنى
أدم :- اه النهارده جاى معاها علشانك انتى
سمر :- علشانى انا
أدم :- ايوه من ساعة ما شوفتك امبارح وانتى صورتك مفرقتش عنيا
سمر :- بفرحه بجد
أدم :- ايوه انا مش عارف انتى عملتى فيا ايه يوم واحد بس شوفتك فيه قلبتى كل كيانى
سمر :- بكسوف لدرجاتى
أدم :- قرب منها وقال واكتر
سمر :- بصت ليه بكسوف وضحكت وفى الوقت ده دخل هيثم وشادي وشافوا المنظر ده
شادي :- دخل عندهم بعصبيه وبعد ادم وقال انت بتقرب منها كده ليه
أدم :- بأستغراب انت مين يا اخ
شادي :- انا زميلها يا روح امك
هيثم :- شد شادي وقال اهدا يا شادي
سمر :- بعصبيه شادي ايه اللى انت بتعمله ده
شادي :- بعصبيه اخرسى خالص مسمعش صوتك
هيثم :- انت يا ابنى اهدا
سمر :- لااااا انت شكلك اتجننت انت ازاى تسمح لنفسك تكلمنى كده
أدم :- مين ده
ملك :- جت تجرى وقالت ايه ده فيه ايه
ادم:- مين ده يا ملك
شادي :- بعصبيه انت مال أهلك
ملك :- اهدا يا شادي ده ادم ابن خالتي
شادي :- وابن زفت خالتك بيعمل هنا ايه وازاى يقرب من سمر بالطريقه دى
سمر :- انت مالك انا لحد دلوقتى مش عايزه اغلط فيك لو سمحت متدخلش فى اللى ملكش فيه فاهم
ملك :- أهدوا يا جماعه حصل خير تعال يا آدم ومسكت أيده ومشيت
سمر :- حسك عينك تتكلم معايا بالطريقه دى تانى فاهم وبصت ليه بغيظ ومشيت وسابته
هيثم :- مش قادر تمسك اعصابك اكتر من كده شويه
شادي :- انت مشوفتش شكلهم كان عامل ازاى
هيثم :- شوفت بس بعصبيتك دى ضيعت الدنيا امشى يااخويه خلينى افكرك تصالحها ازاى
شادي :- نفخ ومشى مع هيثم
««««««««««««««««««««««««««««
فى شقة عبده

صحى مهند من نومه دخل الحمام اخد شاور وخرج لبس هدومه وخرج دخل المطبخ عند أمه وقال

مهند :- صباح الخير
حكمت :- اتنهدت وقالت صباح الخير ايه ده الضهر اذن يا ابنى
مهند :- طيب نقول من الاول مساء النور
حكمت :- بتتريق
مهند :- يعنى لا كده عجبك ولا كده عجبك
حكمت :- اللى يعجبنى انك تنزل تدور على شغل وتشتغل شبه الناس
مهند :- اممم بدأنا بقولك ايه يا ست الكل واحد قهوه كده فى السريع احسن دماغى هتفرتك من الصداع ويا سلام لو فيه حباية صداع يبقى كده فله
حكمت :- مفيش حباية الصداع الوحيده اللى كانت موجوده اخوك اخدها قبل ما ينزل الشغل
مهند :- ماشى اعمليلى واحد قهوه ولسه هيطلع من المطبخ وقف مصدوم مكانه وقال ايه ده
حكمت :- ايه فيه ايه
مهند :- ميل واخد من الزباله الورقه الفاضيه وقال مين اخد دى
حكمت :- مش لسه بقولك اخوك اخدها قبل ما يمشى
مهند :- نهار اسود مش فايت مين اداها ليه
حكمت :- انا دخلت لاقتها على المكتب اخدها وادتها ليه ليه مالها
مهند :- مشى أيده على شعره وقال دى مش بتاعت صداع يا اما
حكمت :- ايه امال بتاعة ايه
مهند :- بتاعة اقولك ايه بس هروح اتصل على ابنك اطمن عليه وخرج يجرى راح مسك تليفونه واتصل على مراد كتير مردش عليه حدف التليفون على السرير وقال اعمل انا ايه دلوقتى بس ربنا يستر ميترفدش النهارده من الشغل وقعد على السرير وحط راسه ما بين ايديه
««««««««««««««««««««««««««««
فى الشقه عند علياء

بدأت علياء تحرك راسها على صوت تليفون مراد فتحت عينيها ببدء شديد وبصت حاوليها لاقت مراد نايم جنبها على الأرض بصت على نفسها لاقت الهدوم مقطوعه من عليها قامت قعدت بسرعه وقعدت تنزل الهدوم على نفسها وهزت راسها بصدمه وقالت
علياء :- لاء م.م.مستحيل يكون ده حصل م.م.مستحيل وقربت من مراد وقعدت تضرب فيه وتقول ليه عملت فيا كده لييييييه حرام عليك عملت ليك ايه علشان تعمل فيا كده حرام عليك ليييييه ليييييه وقعدت تضرب فيه
مراد :- بدء يفتح عينه واحده واحده وهو مش قادر يميز الصوت وشايف صورة علياء مهزوزه مسك دماغه بألم وقال انا فين
علياء :- وهى منهاره وبتضرب فيه منك لله حرام عليك ضيعت مستقبلى حرام عليك ليه تعمل فيا كده ليييييييه
مراد :- قام قعد وقال علياء انتى بتعملى ايه هنا وبص على هدومها وقال ايه اللى عمل فيكى كده وبص على المكان وقال ايه ده انا فى شقتك بعمل ايه انا مش قادر افتكر اى حاجه
علياء :- بدموع حسبى الله ونعم الوكيل فيك حرام عليك انت ضيعت الحاجه الوحيده اللى كانت متبقيه ليا فى الدنيا دى حرام عليك ليه تاخد شرفى ليه وحطت ايديها على وشها وصرخت وقالت اطلع برررررره مش عايزه اشوف وشك هنا برررررره منك لله منك لله
مراد :- وهو مصدوم مش قادر يفهم ايه اللى حصل قرب من علياء وقال علياء انا مش فاكر ايه اللى حصل ارجوكى قوليلى اللى انا فهمته منك ده مش صح ارجوكى اتكلمى
علياء :-بدموع صرخت وقالت بلاش تمثيل بقى كفايه انا كنت مخدوعه فيك مستحيل كنت أتخيل انك انت اللى تعمل فيا كده ربنا ينتقم منك هو رب الغلابه وان شاءالله هيجيب حقى منك ربنا ينتقم منك يا شيخ ربنا ينتقم منك اطلع بره مش عايزه اشوف وشك تانى اطلع برررررررره برررررررره
مراد :- وهو مش قادر يصدق نفسه أنه عمل كده وقف وهز راسه يمين وشمال بعدم تصديق ودموعه نزلت منه وقال ل.ل.لاء مستحيل اوعى تقولى أن انا لالالا ا.ا انتى بتهزرى صح علياء ارجوكى قولى أن ده محصلش انا مستحيل اعمل حاجه زى كده طيب ازاى ا.ا انا بخاف ربنا ازاى هعمل حاجه زى كده ازاى
علياء :- وقفت بدموع وقعدت تضرب فيه وقالت كفايه كدب قولتلك كفايه تمثيل انك محترم وانت متعرفش حاجه عنها اطلع بره يا مجرم اطلع بره وزقته بره الباب وقفلته وقعدت وراه الباب وسندت عليه وقالت بدموع يااااااارب انا تعبت بقى كفايه ليه بتعملى فيا كده يا دنيا ليه حتى دى حرمتينى منها واخديها منى كفايه قسوه عليا يا زمن كفايه مبقاش عندى حيل استحمل قسوه لحد كده كفايه بقى كفايه والله تعبت وحطت ايديها على وشها وقعدت تعيط
مراد :- قعد فى الارض وراه الباب وسند راسه عليه وقال علياء قولى أن كل ده محصلش انا مستحيل اكسرك كده ا.ا.انا بحبك والله العظيم بحبك طيب فيه حد يكسر اللى بيحبه كده ويوجعه علياء ارجوكى ردى عليا قوليلى أن كل ده محصلش علياء ارحمينى وريحى قلبى انا لا يمكن اعمل كده لا يمكن وحط أيده على وشه وقعد يعيط وشويه وقام وقف وطلع يجرى نزل دخل الشقه وأمه كانت فى المطبخ دخل اوضه وقفل الباب وراه
مهند :- اول ما شاف مراد كده قام يجرى وقال مراد انت كويس
مراد :- بدموع علياء يا مهند علياء
مهند :- بص ليه بصدمه وقال انت كنت عندها فوق
مراد :- بدموع ايوه
مهند :- بصدمه اوعى تقول إن حصل حاجه
مراد :- بدموع معرفش حصل كده ازاى والله العظيم ما اعرف
مهند :- حط أيده على وشه وقال ده من أثر الحبايه
مراد :- بص ليه بعدم فهم وقال حباية ايه
مهند :- بص على الارض وقال دى حبايه كنت و
اخدها من الولا سيد وحطتها على المكتب وامك فكرتها حباية صداع ادتها ليك
مراد :- مخدرات
مهند :- معرفش هو قالى جربها انا كنت ناوى ارجعها ليه معرفش أن امك هتدهالك
مراد :- مسكه من هدومه وقال انت ايه يا اخى شيطااااان بسببك ضيعت مستقبلها ومستقبلى
مهند :- قولتلك انا كنت ناوى ارجعها ليه تانى مكنتش اقصد كل اللى حصل ده كله
مراد :- قعد على السرير وحط راسه ما بين ايديه وقال بدموع منك لله اعمل انا ايه دلوقتى فى المصيبه دى اعمل ايه
مهند :- غمض عينه بندم وراح قعد جنبه وحط أيده على كتفه وقال صلح الغلطه دى يا مراد انت لازم تتجوز علياء
مراد :- بدموع منين يا مهند هتجوزها منين وبعدين اللى حصل كره علياء فيا هبص فى وشها تانى ازاى بعد اللى حصل ده منك لله انت السبب
مهند :- اتجوزها انشالله هنا فى الاوضه ولما ربنا يفتحها عليك ابقى هات ليها شقه
مراد :- وهقولهم ايه هنا فى البيت
مهند :- قول انك بتحبها وعايزها تبقى معاك علطول وابوك وهيوافق علشان بيحبها
مراد :- طيب وعلياء
مهند :- مالها
مراد :- مش هترضه
مهند :- مستحيل اى واحده حصل معاها كده بتبقى عايزه تدارى الفضيحه وهتفرح انك هتصلح غلطتك وهتسترها
مراد :- بدموع علياء مستحيل تسامحينى على اللى حصل ده ليه ليه عملت فيا كده يا مهند
مهند :- اتنهد وقال مكنتش اعرف ان كل ده هيحصل
مراد :- قعد يضرب دماغه ويقول انا واحد مجرم مجرم انا ازاى اعمل كده انا اللى زى لازم يموت يموت
مهند :- مسك ايد اخوه وشده فى حضنه وطبطب عليه وقال اهدا يا مراد كل حاجه هتتحل
مراد :-بدموع اااااااه يااااااارب يارب
««««««««««««««««««««««««««««
فى شقة علياء

كانت لسه قاعده فى الارض وبتعيط وقعدت تلطم وتقول

علياء :- بدموع يا فضحتى السودا يا فضحتى ا.ا.اقول لاخواتى ايه اقولهم ا.ا أن انا مبقتش بنت اقولهم ازاى كده طيب اعمل ايه ما حاجه زى كده صعب تستخبه انا بقيت عار على اخواتى انا لازم اموت اللى زى حرام تعيش حرام وقامت فتحت الدرج وطلعت سكينه وحطتها على ايديها وغمضت عينيها واتنهدت وحاولت تمشي السكينه على ايديها بس مقدرتش تعمل كده حدفت السكينه فى الارض وقعدت على الأرض بدموع وقعدت تصرخ وقالت ليييييييه انا اللى بيحصل ليها كل ده تعبت والله تعبت يا ماما خدينى عندك خلاص مش قادره اعيش الدنيا دى تانى انا بستسلم يا ماما مش طول عمرك تقول عليا يا بابا انا قويه واستحمل طلعت غلطان يا بابا انا ضعيفه ضعيفه اوى يا بابا اوى لاء خلاص مش عايزه اعيش فى الدنيا دى تانى بقت قاسيه عليا اوى ا.ا انا لازم اموت وقامت اخدت شريط برشام وفتحته كله وحطته فى بؤقها وهى الدموع نازله من عينيها وجسمها كله بينتفض وشربت وراه ميه وقعدت على الأرض وضمت رجليها عند صدرها وحطت راسها على رجليها وقعدت تعيط
««««««««««««««««««««««««««««
فى شركة عمر

وصل عمر مكتبه ودخل قعد على الكرسى وطلب السكرتير يدخل ليه ودخل ليه السكرتير وقال

السكرتير :- صباح الخير يا فندم
عمر :- صباح النور
السكرتير :- اتفضل يا فندم الورق اللى محتاج أمضت حضرتك
عمر :- اخده ومضى عليها وقال استاذ مراد وصل
السكرتير :- لاء يا فندم لسه
عمر :- مد أيده بالورق وقال تمام لما يجى بلغه أن انا عايزه
السكرتير:- اخد الورق وقال حاضر عن اذنك يا فندم وخرج وقفل الباب وراه
عمر :- بص على السكرتير وهو خارج ومسك التليفون بتاعه وطلب اخوه أدم وانتظر الرد
أدم :- ايوه يا عمر
عمر :- انت فين من امبارح
أدم :- رجعت البيت متأخر ونزلت قبل ما انت تصحه
عمر :- والحال ده هيطول معاك كتير اخرتها ايه معاك يا آدم
أدم :- فيه ايه يا عمر سهرت شويه مع اصحابى فيها ايه دى
عمر :- لو سهره عادى مع اصحابك معنديش مشكله إنما انا عارف ومتأكد إن القاعده كان فيها حريم وشرب وقرف
أدم :- وهى القاعده تبقى قاعده لو مكانش فيها كام مزه تحليها
عمر :- انا صبرى نفذ يا آدم ومش عايز استخدم معاك الشده علشان هتزعلك
أدم :- عمر مش ذنبى انك واحد جد زياده عن اللزوم انا واحد بحب اتمتع بلاش تخنقها عليا بقى
عمر :- عمومآ الكلام فى الموضوع ده مش هينفع فى الفون لما نروح يبقى يحلها ربنا المهم انا كنت عايز أسألك على عنوان البنت اللى انت وخطيبتك اتفقتوا عليها
أدم :- بنت مين دى
عمر :- بتاعة الخاتم يا آدم
أدم :- اه اه دى ساكنه على سطح العماره اللى فيها مريم بس بتسأل عليها ليه
عمر :- هحاول اديها حاجه تعوضها عن اللى حصل ليها منكم
أدم :- عمرررر انت مالك مكبر الموضوع اوى كده فى الاول وفى الاخر دى خدامه
عمر :- وهى علشان خدامه ندوس عليها ربنا يهديك يا ادم اقفل خلينى اشوف اللى ورايا وقفل السكه مع أدم وبص فى الساعه لاقه أن لسه بدرى اتنهد وقال يا عالم ظروفها ايه دلوقتى تلاقيها حتى مش معاها تجيب اكل ومراد شكله مش جاي النهارده انا اكسب وقت واشترى ليها شوية اكل ليها واروح اوديه ليها وقام وقف ونزل ركب عربيته واشترى شوية اكل لعلياء واخواتها وحطهم فى العربيه وراح عند البيت اللى ساكنه فيه علياء ونزل وشال الشنط وطلع على السطح وخبط على الباب محدش رد خبط تانى واستنى شويه ومحدش فتح قال شكلهم محدش هنا احسن حاجه اسيب الشنط قدام الباب وهى لما تيجى تلاقيهم وساب الشنط ولسه هيمشى سمع صوت حد بيتوجع جوه استغرب وحط ودنه على الباب علشان يتأكد سمع صوت حد بيتوجع خبط الباب وقال حد جوه وخبط تانى وقال انسه علياء انتى جوه وسمع صوت بيعلى بألم قلق وبعد عن الباب وطلع يجرى عليه مره واحده خبطه بكتفه الباب اتفتح واتصدم لما شاف شكل هدوم علياء وهى نايمه فى الارض وبتتألم راح قعد جنبها على الأرض وقال انسه علياء مين عمل فيكى كده انسه علياء وخبط على وشها وهى كانت بتتألم لاقها وشها كله متلج وعرقان قام يجيب حاجه علشان يغطى جسمها اللى باين من الهدوم المقطوعه وشاف شريط البرشام عرف انها اخده حاجه حطه فى جيبه وحط ملايه على جسمها وشالها ونزل يجرى بيها حطها فى العربيه وركب هو كمان وطلع يجرى على المستشفى وبعد وقت وصل ونزل يجرى وشال علياء ودخل يجرى بيها وحطها فى اوضت الكشف وطلع يجرى جاب دكتور يكشف عليها وخرج هو من الاوضه وساب الدكتور يكشف على علياء وبعد وقت خرج الدكتور وقال

الدكتور :- تقرب ليها ايه جوزها
عمر :- لاء انا مقربش ليها
الدكتور :- امال تعرفها منين
عمر :- ها كنت راكب العربيه ولاقتها وجبتها خير يا دكتور
الدكتور :- الانسه فيه حد اعتدى عليها واغتصابها وهى حاولت تنتحر وهنحلل ليها نعرف ايه نوع البرشام اللى اخدته علشان نعرف اذا كان هيأثر علي حاجه فى جسمها ولا لاء
عمر :- خرج الشريط من جيبه وقال بيتهيألى هو ده البرشام اللى اخدته علشان لاقته معاها
الدكتور :- اخده وقال وفرت علينا وقت عند اذنك
عمر :- طيب ممكن افهم ايه هيحصل دلوقتى
الدكتور :- مش وقته ننقذ المريضه الاول وبعد كده تبقى تفهم ودخل الاوضه وسابه
عمر :- حد اغتصابها طيب مين وفين أهلها انا لازم اتصل بمراد يبلغ أهلها ومسك تليفونه ولسه هيتصل قال طيب ما يمكن هى هتخاف تقول لاهلها وحاولت تنتحر بسبب انها خايفه احسن حاجه استنا لما تفوق وهى تتصرف وقعد على الكرسى ينتظر خروج الدكتور وبعد وقت طويل خرج الدكتور وقال
الدكتور :- الحمدالله انقذنا المريضه بس هى عندها انهيار عصبى ادتها حقنه مهدأه
عمر :- ينفع ادخلها
الدكتور :- اه طبعآ وشويه وهيجى الظابط يحقق معاكم
عمر :- ظابط طيب ليه
الدكتور :- دى قضية اعتداء وكمان محاولة انتحار لازم نبلغ القسم ويبعت ظابط ياخد اقولكم عن اذنك ومشى وسابه
عمر :- اتنهد وبص على الدكتور وهو ماشى وبعد كده دخل الاوضه عند علياء لاقها قاعده والدموع نازله من عينيها قعد على الكرسي قصادها وقال حمدالله على السلامه يا انسه علياء
علياء :- بصت ليه بدموع وكسره وقالت انسه؟؟ فين بقى ؟
عمر :- هو مين عمل فيكى كده
علياء :- بصت ليه بوجع وبصت الاتجاه التانى
عمر :- انا كنت هتصل بمراد علش
علياء :- قطعت كلامه وقالت لااا متتصلش بحد ارجوك
عمر :- ما انا متصلتش برضه واستنيت لما اشوفك هتعملى ايه
علياء :- ليه
عمر :- بأستغراب ليه ايه
علياء :- بدموع ليه انقذتنى كنت سيبنى اموت وارتاح من العذاب ده ليه رجعتنى لدنيا تانى انا مش عايزه اعيش الزمن ده قاسي اوى ومعندهوش رحمه بيدوس عليا بعزم ما ربنا مديله زمن توهت فيه من كتر الوجع ليه عملت فيا كده كنت سبنى اموت
عمر :- صعبت عليه علياء وقال يعنى انتى كنتى عايزه تخسرى دنيتك واخرتك كمان وتموتى كافره يعنى ربنا بيختبرك شويه تروحى انتى رافضه الاختبار بتاع ربنا ده وتعترضى على أمره وتموتى كافره
علياء :- تعبت والله العظيم تعبت اتحملت حمل تقيل اووووى لو كان شاله جبل كان اتهد عمرى ما اعترض على أمر ربنا من ساعة ما ماتوا امى وابويه وانا عندى تسع سنين وانا بتحمل واشيل وكل ما الحمل يزيد كل ما ينحنى ضهرى بس كنت بصبر نفسى واقول اكيد هيجى وقت والحمل ده هيخف عليا شويه اتاريه كل ما بيزيد الحمل كل ما بيسحب من عزمتى واصرارى بيكسر جوايا حاجات كتير لحد ما اتدمرت وجه عليا وقت كل ما فيا انكسر وبقيت لا اصلح أن اعيش فى الزمن ده وخلاص مبقاش عندى اراده اتحمل اكتر من كده
عمر :- مهما كانت حالتك صعبه فيه اصعب منك بكتير انتى عندك نعم كتير مش عند غيرك انتى عندك ايدين ورجلين تقدرى تشتغلى بيهم فيه غيرك بيتمنى يكون عنده النعمه دى علشان يكافح ويشتغل ويعافر مع الدنيا على لقمة العيش انتى عندك مكان مستوره فيه فيه غيرك بينام فى الشوارع ومش لاقى المكان اللى يحميه من المطر والبرد القارس انتى عندك لبس ساتره نفسك بيه فيه غيرك جسمهم مرمى فى الشارع عريان للى يسوى واللى ميسواش احمدى ربنا على النعم اللى عندك علشان لو فقديهم هتندمى أنك فى يوم من الايام اتبطرتى عليها ومتستعجليش على الموت كده كده كلنا هنموت بس بالميعاد اللى ربنا كاتبه لينا مش الميعاد اللى انتى عايزاه وبدل ما تسلمى لنفسك لييأس ادعى ربنا يقويكى ويصبرك على ابتلأه وانتظرى النتيجه هتلاقي عوض كبير اوى من ربنا ايد هطبطب عليكى هتكون بلسم لكل آلامك
علياء :- بدموع اى حاجه يتصبر عليها إلا سلب شرف الواحده اصعب شئ فى الدنيا اهى هى دى الضربه اللى قسمة ضهرى بجد
عمر :- قوليلى مين عمل فيكى كده وانا هجبلك حقك منه
علياء :- هزت راسها بدموع وقالت حقى ربنا هو اللى هيجيبه ليا مش العبد
عمر :- يا انسه علياء انا هنت
علياء :- قطعته بدموع وكسره وقالت ممكن بلاش تقولى يا انسه
عمر :- انا اسف مقصدش اجرحك
علياء :- حصل خير ممكن حضرتك تمشى انا بقيت كويسه
عمر :- طيب هاتى رقم حد من اخواتك ابلغهم بمكانك
علياء :- لاء شكرآ اتفضل حضرتك ومتشغلش بالك بيا
عمر :- مينفعش امشى علشان لازم الظابط يحقق فى اللى حصلك ده وانا اسف بس قولت لدكتور أن انا لاقيتك كده فى الشارع وانا ماشى بالعربيه
علياء :- احسن كده
عمر :- طيب اتصل بمراد وهو يقولهم
علياء :- بدموع وعصبيه قولت لحضرتك متتصلش بحد ومتشغلش بالك انا هتصرف اتفضل حضرتك استنى الظابط بره وقول اقوالك واتفضل امشى
عمر :- بس
علياء :- قطعته وقالت مفيش بس اتفضل حضرتك واسفه على وقتك اللى انا عطلته ده
عمر :- بص ليها وخرج من الأوضه من غير ولا كلمه
علياء :- حطت ايديها على وشها وقعدت تعيط
  • قراءة الفصل السادس من رواية فتاة فى زمن قاسي  أضغط هنا
google-playkhamsatmostaqltradent